<?xml version="1.0" encoding="UTF-8"?><song><hymn_number>229</hymn_number>
<lyrics>[V1]
 1. Isu Aw ngaiin, A kiko,
 &quot;Tuni'n kuo a nasem ding?
 Buh amin tai at ding ngakin
 Kuo a buhphal lakhawm ding?&quot;
 Ngeih takin Lalpa'n mi A sam,
 Kipahman tampi A tiem;
 Kipak taka dawng ding kuo a?
 &quot;Zie'n ka um, kei ei sawlin.&quot;

[V2]
 2. Tuisuohgiet gal kai thei loin,
 Gam thim pha lo mahleu chin;
 Awilo naicha ah na mu thei,
 Kawtbul ah na panpih thei;
 Tampi pie thei kimahleh chun,
 Meithai piek zat na pie thei;
 Isu di'n tawmcha na bawl le,
 A muh in lul tak hina.

[V3]
 3. Vansawlchak leh Paula bangin,
 Thugen thiem kimahleh chin;
 Isu lunsiet thu na gen thei,
 Micheng dinga A thih zie;
 Vaihawmna hungtung di'n gilo,
 Lauhsak zo kimahleh chin;
 Hukdampa angsung nuom achun,
 Naupangte na pui thei hi.

[V4]
 4. Mi cheng di'n hinna A piek thu,
 Van gam lampi kawkmuh di'n;
 Zion kulh sanga dingin gal
 Veng hi thei kimahleh chun;
 Na paucham na leh thilpiek in,
 Pathien deih guol nasem thei;
 Thiemgau ban dawmkang mi ginum,
 Aron bangin nasem thei.
 5. Mi pitingsa haw laka chun,
 Sinsak thei kimahleh chin;
 &quot;Ka Belam No vakin a nek -
 Phak dingun an pien&quot; A tii;
 Lau kawma naupang na puihte,
 Gam phazaw chu na tun tieng;
 Kipahna man a na muh ding,
 Na suongmantam hung hinau.

[V5]
 6. &quot;Ka sep theih bangmah a um puoi&quot;
 Kuomah zakin ti hiel ki'n;
 Mi thagau aman zing laia,
 Lalpa'n A hun sap lai hin;
 Kipak in A na chu semin,
 A nasep ah kipak in;
 A hun sap lai hin dawng kinin,
 &quot;Zie'n ka um, ei sawl in&quot; tiin.</lyrics>
<title>HERE AM I SEND ME!</title>
</song>